USR, ună nauă cumănduseari
Fuziunea anamisa di Uniunea Salvaţi România şi Partidul Libertate, Unitate şi Solidaritate s’bitisi unăoară cu congreslu disvărtitu tru week-endu. E asti ma lişoru tora, nica şi ti jurnalişti, cari ascăpară di formula pidipsită USR PLUS cu cari u spunea cu numa treia formaţiune ca pondiri tru Parlament. Elli vas ă zburască, ma largu, ti USR. Prezidintu până tru 2023, cându va s’facă isapi ti hăirlătica-a cumăndusearillei şi va s’apufusească strategia tră alegerile legislative şi prezidinţiale ditu 2024, va s’hibă Dacian Cioloş, fostu comisar european tră agricultură şi prim ministru tehnocrat, instalat tru 2015, după traghedia ditu clublu bucureştean Colectiv.
Ştefan Stoica, 05.10.2021, 06:55
Fuziunea anamisa di Uniunea Salvaţi România şi Partidul Libertate, Unitate şi Solidaritate s’bitisi unăoară cu congreslu disvărtitu tru week-endu. E asti ma lişoru tora, nica şi ti jurnalişti, cari ascăpară di formula pidipsită USR PLUS cu cari u spunea cu numa treia formaţiune ca pondiri tru Parlament. Elli vas ă zburască, ma largu, ti USR. Prezidintu până tru 2023, cându va s’facă isapi ti hăirlătica-a cumăndusearillei şi va s’apufusească strategia tră alegerile legislative şi prezidinţiale ditu 2024, va s’hibă Dacian Cioloş, fostu comisar european tră agricultură şi prim ministru tehnocrat, instalat tru 2015, după traghedia ditu clublu bucureştean Colectiv.
Aamisa di viţeprezidinţă suntu numi greale: fostul lider Dan Barna, cari kiru la ună diferenţă ňică competiţia tră şefia formaţiunillei, Vlad Voiculescu, Cătălin Drulă şi Claudiu Năsui, miniştri tru cabinetlu di coaliţie di Bucureşti până la ampărţareaa di premierlu şi liderlu liberal Florin Cîţu. Dacian Cioloş pripusi tră USR obiectivlu ambiţios ta s’agiungă numirlu ună pi dreapta a eşicherului politic. Dacian Cioloş: “Obiectivlu easti s’himu ndrepţă tră 2024 s’agiundzemu protlu partid pi dreapta. Aesta nseamnă că lipseaşti s’criştem partidul, s’lu anvărtuşimu şi ditu punct di videala a boaţillei publice şi ditu punctulu di videală a numirlui di membri”.
Fostul lider Dan Barna kiru dinintea al Cioloş ama ş’lo revanşa pritu echipa pripusă tră Biroulu Naţional, cari va u aibă majoritatea. El cundille ti idheea di unitate: “Himu ună echipă cari va s’ducă ma largu deadunu şi cari va s’facă ca USR Plus s’hibă un partid vărosu şi un partid cari s’angreacă tru iti turlie di negocieri tru perioada, tru meşlli şi aňilli yinitori” .
Formaţiunea thimilliusită pi ună organizaţii neguvernamentale, la cari aderară activişti civici, tiniri angajaţ a multinaţionalelor şi oameni di afaceri, ş-pripusi ditu ahurhită, să s’diferenţiadză, pritu turlia di acţiune şi mindueari, di partidili tradiţionale, PSD şi PNL. Cu tuti aestea, afinităţile idiologhiţi cu doilu şidzură la thimellilu a coaliţiillei cari fitrusi ună ş-ună dupu alidzerli parlamentare di anlu ţi tricu şi tru cari fu cooptată şi UDMR. După demiterea a ministrului useristu ali Justiţie, Stelian Ion, soţlli a aluştui fudziră ditu guvernu şi dipusiră moţiune di cenzură tra să-lu surpă premierlu Cîţu, lugursitu că ari căbati ti aruperea a coaliţiillei. USR declară că s’tornă tru executiv maş car ava s’hibă aleptu unu altu premier di cătră PNL.
Cum va s’hibă, ama, negocierile anamisa di PNL şi USR – aesta ma s’hibă – tru cazlu tru cari guvernul minoritar al Florin Cîţu nu va s’armănă tru bana dupu moţiunea di cenzură a PSD, nu să ştie di ninti. Marţă easti dzuua a votlui la moţiune. Tră USR va s’hibă, spunu comentatorlli, convenabilă armânerea tru opoziţie tru perspectiva-a alidzerloru ditu 2024. Fosta organizaţie niguvernamentală cunuscu, ama, tru premieră, experienţa a guvernarillei şi gustulu a putearillei, iara aeşţă pot s’adara ditu USR un interlocutor cama akicăsitoru.
Autoru: Stefan Stoica
Armânipsearea: Taşcu Lala
