Agenda armaneasca 2015.06.02

Anunţ concursu RRI:

Hristu Steriu, 02.06.2015, 19:30

Vruţ soţ, vă invităm să participaţ la un nou concurs cu premii, “Vacanţă acasă la Suveica a li Mama Ruţă”, organizat deadun cu colegil’i a noştri di la Radio România Antena Satelor, postul public destinat a lumil’ei di la hoarâ din România. Vahi mulţâ di dvs. aveţ vidzutâ filmul «Amélie» şi vă aduţiţ aminte di piticulu di grădină care circula” prin lume, şi pitriţea acasă fotografii di-tru locuri exotiţe a li Terra. Di-tru Ţara Făgăraşului, chentrul a Româniil’ei, acâţă calea şi chinesi un proiectu simplu şi ingenios, care faţe să si zbuarască în lume di hoara Mândra, di zona Făgăraş şi di România, Suveica (suvalniţa) a Mamei Ruţă”. Un obiectu casnic autentic, a unei persoană, Mama Ruţă, care nu si mata află printră noi, unâ suveică, piesa di lemnu folosită vârâoarâ ma ninte la războiulu di ţâseare, circulă di mai mulţâ an’i prin lume, dusă di oamin’i di aradă, ama şi di vedete, care u fotografiadză tru aţeale ma diferitile locuri. Mama Ruţă eara unâ mul’iare simplă, care şi-avu dori ca lemnul vecl’iu, cu care a lucră toată bana şi ţâsu, să fugă, sâ si ducă într-ună călătorie iniţiatică pi mapamond, tru loculu a l’ei. Nâ minduim să vă propunim un concurs pri-tru care să vă invităm să vizitaţ loculu di iu chinesi suveica, hoara Mândra, ama şi reghiunea Făgăraş, ca şi unâ altă zonă ahoria di aclo di apropea, Mărginimea Sibiului.

Ninte cu 10 an’i, unâ moaşe, ună bătrână di-tru hoara Mândra, judeţulu Braşov, si duţea tru lumea alantă după unâ bană di lucru tru arăzboiulu di ţâseare. Pi nângă zestra cusută trâ urmaşi, ea dăruiaşte, faţe doară, a cilimean’ilor, nipoţâlor şi strănipoţâlor, unâ suveică, unâ suvalniţâ. Isapea a liştei clironomie easte aestâ: apitrusitâ di gaileadz şi nivol’i, bătrâna nu avea reuşitâ să veadă lumea dinclo di Făgăraş; ea lasă a ţilor tineril’i dorulu şi dorinţa l’ei ni-împlinită tra sâ veadâ lumea. În semn di tim’ie trâ bana a l’ei exemplară, descendenţâl’i a Mamâl’ei Ruţă l’ia apofasea tra să poartă suveica pri-tru vâsilie şi s-u ducă pri-tru lumea ntreagă, împlininda, aşi, testamentul niscris a li mul’iare.

Ideea fu bâgatâ în mişcare di nipoata a l’ei, actriţa Alina Zară, care l’ia apofasea ca suveica să nu sta niţe unâ minutâ şi să hibâ purtată di oamin’i di diferite vârste şi profesii piste tut pri iu si duc. Până azâ, suveica si duse şi călători un milion di kilometri. Si duse tru gulagurile sovietiţe, în Australia, la Muntile Athos, la Alba Iulia (loculu iu si proclamă unirea a tutulor teritoriilor locuite preponderentu di români, la 1 Decembrie 1918), călători tru cutia a vioarâl’ei Stradivarius purtată di cunoscutulu violonist român Alexandru Tomescu, la Beijing, agiumse la poli şi la Ecuator. Pretutţido, transmise a lumil’ei un mesaj di pace şi di solidaritate în varliga a valorilor aţeale ma di preţ a omului.

Ună condiţie a călătoriil’ei a lui fu susţânirea a unor prezentări a Româniil’ei, în special a banâl’ei rurală românească, prezentări fapte hibă în cadrul a ambasadilor a Româniil’ei, hibă în timpul a unor evenimente culturale di referinţă. Faptul că reprezintă un simbol a zânăţâlor ancestrale şi a tradiţil’ei folclorică transformă suveica a Mamâl’ei Ruţă şi istorima a l’ei într-un vehicul di mare atracţie, cu ună puteare di persuasiune barim egală cu a unui discurs dispre muşuteţâle a Româniil’ei.

Vă invităm să urmăriţ emisiun’ile RRI, siteul www.rri.ro şi profilurile di Facebook, Twitter, Google+ şi LinkedIn, să răspundiţ corect la ndauâ întribări şi puteţ s-amintaţ. Concursul va sâ ţână până pi 15 iulie, data a poştâl’ei.

Mările Premii va sâ hibâ dauă sejururi trâ câte dauă persoane, di 8 (opt) dzâle, cazare 7 (şapte) nopţâ tru cameră dublă, cu pensiune completă, în perioada 1-8 septembrie 2015 în pensiun’i di-tru zona Făgăraş (Sâmbăta de Sus), jud. Braşov, şi di-tru Mărginimea Sibiului, jud. Sibiu. Un sejur trâ dauă persoane, într-ună cameră dublă, va sâ hibâ trâ ascultătoril’i RRI, al doilea sejur trâ publiculu a Antenâl’ei a Satelor. Ca di aradă va sâ hibâ ananghe să vă asiguripsiţ pi cont propriu transportul internaţional până tru România şi, ma că să hibă necesară, viza trâ România.

Concursul easte sponsorizat di SC SCORILO TURISM SRL şi easte organizat cu parteneri locali di-tru judeţele Braşov şi Sibiu.

Şi tora, întribările:

– Di iu chinesi sâ si ducâ Suveica a li Mama Ruţă” prin lume?

– Câţ kilometri parcurse suveica?

– Cum si cl’iamă zonile pi care va li viziteadă amintâtoril’i a Mărilor Premii?

– Numiţ 5 state sau locuri ahoria tru care s-are priimnată” suveica fudzită din România. Ca documentare puteţ să folosiţ blogulu a proiectului, http://suveicachicd10.blogspot.ro/, şi profilul Facebook al proiectului, https://www.facebook.com/pages/Suveica-Mamei-Ru%C5%A3a-%C3%AEn-jurul-lumii/360304274111765, ţi cara că suntu maşi în limba română.

Vă paraclasim să nâ scriiţ ţi vâ determină să participaţ la concursu şi câţe urmăriţ programile RRI on air sau tru mediul online.

Coordonatile a noastre: Radio România Internaţional, str. General Berthelot nr. 60-64, sector 1, Bucureşti, PO Box 111, cod 010165, fax 0040.21.319.05.62, e-mail: arom@rri.ro Puteţ să răspundiţ până la 15 alonar, data a poştâl’ei. Amintâtoril’i a Mărilor Premii va să hibâ anunţaţ curundu după bitisirea a concursului, trâ aveare chiro să-şi pregătească excursia în România. Succes! (Alecu Marciuc, Valentin Ţigău, Eugen Cojocariu)

*********************

Tora – unâ turlie di suveicâ (suvalniţâ) poeticâ! Nâ duţim cu unâ hâbare pânâ tru Ghirmânie, aclo iu bâneadzâ unâ poetâ armânâ. Dispre ţi easte zborulu ?

Kira Iorgoveanu-Mantsu apruche unâ diplomâ di tinie di la Sutata a scriitoriloru sârghi di Frankfurt — “Sedmitsa” (“Der Schriftstellerverein Sieben e.V.”)

Sutata yiurtusi 20 ani di la thimiliuseari. Tu dimarhia/primaria di Frankfurt sutata apruche aurâciuni di la dimarhulu/primarulu a câsâbălui Frankfurt.

Ligâtura ali Kira Mantsu cu sutata litirarâ “Sedmitsa” s-feate la PEN Club a scriitoriloru xeni cari bâneadzâ tu Ghirmânie, iu easti membrâ di 4 ani.

Tu diploma di tinie sâ spuni: “Cu furnia a iubileului di 20 ani si da unâ diploma di tinie ali Kira Iorgoveanu-Mantsu ca pricânusteare trâ lucurlu a lei ahoryea tu dumenea di litiraturâ si trâ contributlu a lei la cama buna achicâseari anamisa di culturi.”

Fu unâ aleaptâ searâ di poezii. Kira Iorgoveanu-Mantsu adyivâsi di poematli a lei, pi armâneaste si aduse pi ghirmanâ.

*****************************

V’inim diznou tu România ! Tut mesulu mai, ama şi di-tru apriir, 22 apriet, pânâ pi 31 mai, la Aiur-art fu prezentâ expoziţia di picturâ a li Ecaterina Vrana, sora a cunoscutului poet Gheorghe Vrana. Putem s-videm ca numa “Aiurart” easte unâ numâ cu tendinţâ nonconformistâ, adică altâ turlie di artâ, unâ artâ modernâ, adicâ recentâ. Adică, şi pi şicaie, “Artă aiurea”, Aiur-art. Exoziţia fu organizatâ di Aiurart, MARe (Muzeulu di artâ recentâ) şi Cărtureşti Carusel. Ecaterina Vrana easte unâ di nai ma bunile artiste di generaţia a l’ei, după cum dzâţea critica di artâ Iolanda Malamen.

********************

Aulataridz, dumânicâ 31 mai la Sala di Concerte “Euterpe”, di Bucureşti, fu prezentatâ cartea “10 cantitsi armaneshtsa” (Editura Grafoart, 2014) di Ion Dumitrescu.

Ion Dumitrescu (1913-1996) fu un multu avdzat compozitor roman (fu shi prezidentu la Uniunea a Compozitorilor ditu Romania). Adra aesti “10 cantitsi armaneshtsa ti pian shi boatse” tu anlu 1942. Fotisea fu cartea alu Iancu Caranica “130 di cantitsi populari armaneshtsa”, alancita tu anlu 1937 shi premiata di Academia Romana tu anlu 1941.

**********************************

Un altu evenimentu si feaţe sâmbâtâ, 30 mai: fu faptâ premiera a filmului documentar şi artistic “CARVANEA ARMANEASCA”,Regizor PERO TSATSA cuoscutulu cântâtor dit Ripublica Macedonia. Premiera si feaţe la Sala “Atena” di la Hotel “Alexander” Barba Center Pipera; organizator fu Sutsata Culturala Armaneasca di Bucureshti, vitseprezidentu Costa Farmazon cu pareia di lucru.

Eara viniţ reprezentanţâl’i a sutatilor culturali armaneşti di Bucureshti şi Campulung Muscel pi aesta arada:

– Suţata Multiculturala “Nicu Hagi”, prezidentu Emil Hagi cari vini cu una pareie di arman’i şi român’i di Câmpulung Muscel cu a lor rol ţi lu avura tru filmu.- Suţata Culturala Armaneasca di Bucureshti .- suţata Fara Armaneasca dit Romania şi filiala Falcarea Armaneasca di Bucureshti.- Uniunea a Muljerlor Armani di Iuitsido, prezidentu Chiraţa Meghea.

– Liga a Armanjilor dit Romanie, prezidentu Dumitru Piceava şi tu harea di editor a revistâl’ei “Bana Armaneasca”.

– personalitats culturali armaneşti şi româneşti: prof.dr. shi scriitor Mariana Bara, scriitor Catia Maxim

– Secţia Armaneasca di la RRI: coordonator Toma Enache şi tru harea di regizor, jurnaliştil’i Aurica Piha şi Taşcu Lala

– Jurnalista Dana Hădărean, di la jurnalu “Romania Libera” şi colaboratoare la Prima TV.

– Moderatorlji spusira ndaua zboara ligat di simasia a zânatil’ei di carvanarit cu alidzeri di-tru studiile a lingvistului Tache Papahagi, a profesorlui Atanasie Haciu shi altsalji. Premiera duse ma largu cu videarea a filmului “CARVANEA ARMANEASCA” chiro di una sahate şi 38 di minute.

Fu faptu şi un spectacol di di cantitsi sh giocuri armaneshtsa, la care eara viniţ::

– Cantatoarea Sirma Granzulea di Constanţa

– Tinira cantatoare Camelia Bizdu deadun cu cantatoarea Corina Elena Badea di Tulcea

– Cantatorlu Pero Tsatsa dit Ripublica Macedonia

– Cantatorlu Cristi Andoni di Bucureshti

Audio –>