„1928. Bărnulu Hertz”, ună docudrama di Monica Stoica tru premieră ti Dzuua Radioului Naționalu. Sţenariu radiofonic di Monica Stoica, tru reghia artistică al Toma Enache.
Radio Romania pritu Radio Romania Internațional și Teatrul Național Radiofonic păristiseaşti, tru premieră, docudrama „1928. Bărnulu Hertz”. Producția va s-hibă difuzată ti Dzuua Radioului Național, dumănică, 1 brumaru, di la oara 17:00, la Antena Horloru. „1928. Bărnulu Hertz” easti un sţenariu radiofonic simnatu di Monica Stoica, tru reghia artistică al Toma Enache.
Tașcu Lala, 31.10.2026, 20:09
Radio Romania pritu Radio Romania Internațional și Teatrul Național Radiofonic păristiseaşti, tru premieră, docudrama „1928. Bărnulu Hertz”. Producția va s-hibă difuzată ti Dzuua Radioului Național, dumănică, 1 di brumaru, di la oara 17:00, la Antena Horloru (la oara la cari, aoa şi 98 di an’i, s-difuza tru eter prota emisiuni radiofonică ditu văsilia noastră), iara di la oara 18:10, la Radio Romania Internațional, tru arada a emisiunil’ei Tru prim-plan, România!. Ma multu, spectatorl’i pot s-ascultă producția și on demand, pe site-ul www.eteatru.ro.
„1928. Bărnulu Hertz” easti un sţenariu radiofonic simnatu di Monica Stoica, tru reghia artistică al Toma Enache. Tru distribuție: Monica Stoica, Dragoș Stoica, Ion Marinescu și Toma Enache. Regia di montaj și ilustrația muzicală: Ștefan Ciobanu.
Docudrama „1928. Bărnulu Hertz” easti ună pirmituseari ti ahurhitura tru radiofonia românească, thimil’iusită pi ună cercetari științifică, Monica Stoica hiinda autoarea a protăl’ei teză di doctoratu și a protăl’ei carti ahărdzită tră decheniulu di ahuhită ali Radio România, ama și ti multili articoli științifiţi tră conținutlu radiofonic interbelic. Tutunăoară, maş ea işiş easti jurnalistul și cercetătorlu român cari cilstăsi ti angrăpsearea a protăl’ei lucrari academică internațională, ahărdzită ti radiofonia școlară. Deadunu cu ea, nica trei jurnaliști di la Radio România și un tehnician cilăstăsiră ti yilipsearea momentului istoric a protlui program anyie difuzat di Radioulu Public.
Scenarista Monica Stoica, regizorlu Toma Enache și Ștefan Ciobanu, regizor di montaj și ilustrator muzical, tuț di la Radio România Internațional, deadunu cu actorl’ii Dragoș Stoica și Ion Marinescu, di la Radio România Actualităț, da bană a personajiloru cari thimil’iusiră prota emisiuni a protăl’ei boaţi a văsiliil’ei: Radio România.
Măril’ia a momentului istoric easti yilipsită pritu contrastul anamisa di realitatea mplină di xichi, stresu și niaprucheari di partea a muziciean’ilor ditu aţelu chiro ta s’l’ia parti la prota emisiuni ufiţială și solemnitatea momentiloru nai ma importanti ditu chirolu a protăl’ei emisiuni radiofonică ditu văsilia noastră. Anaparti di dialogurli ţi au la thimel’iu ficțiunea, ţi cundil’eadză dificultățli ditu ahurhită cari ghiuşbilea minduea revoluția tru comunicari di itia că alăncea radioulu, „1928. Bărnulu Hertz” aduţi tru chirolu di adză, tru interpretatea actorloru ditu distribuție, dauă texti istoriţi orighinali: discursulu inauguralu a creatorlui tru radiofonia românească, isoplu,neise savantulu Dragomir Hurmuzescu, și prota poezie angrăpsită, tru 1928, di poetlu Horia Furtună, maxusu tră debutlu ufiţialu la Radio România.
Tora, cu yiurtusearea aluştoru 98 di an’i di bană ti Radio România, docudrama „1928. Bărnulu Hertz” să spuni ca ună andamasi emoționantă, di mari simasie, anamisa di bărnurli cu mirachea ti radio, profesioniști și public tru idyea scară.
Autor: Radio România
Armânipseaea:Taşcu Lala
