Polimlu a gazilor naturali
Rusia bagâ zori, luni, ti pâltearea tru avansu a gazilor ti Ucraina, ti furn’ia câ Kievlu ari unâ borgi di 4,5 miliardi di dolari, reprezentândalui importul ti 15 di miliardi di meatri cubi di gazi. Ti furn’ia câ s-bagâ pâltearea tru avansu, fura curmati livrărli tră consumlu internu dit Ucraina. Pi chiungili cari trec prit aestă vâsilie urdinâ tora, maşi gazili tră consumatorl’i dit UE. Aşi cum spuni corespondentul Radio România la Moscova, declaraţiili di ma nâpoi a aţilor dauă părţâ alasă puţâni şansi să s-agiungâ la unâ cearei ti ndridzearea ntrâoarâ a crizâl’ei şi vahi că tâşi ti di toamnă va s-ţânâ pâzârâpseri pi aestâ temă. Ma multi stati europene dimândarâ că nu va s-aibâ problemi dupu curmărli ti livrarea cătră Ucraina, acâ va s-hibâ zn’iipsiti şi cantităţli ahârdziti tră UE.
Valentin Țigău, 17.06.2014, 15:01
Rusia bagâ zori, luni, ti pâltearea tru avansu a gazilor ti Ucraina, ti furn’ia câ Kievlu ari unâ borgi di 4,5 miliardi di dolari, reprezentândalui importul ti 15 di miliardi di meatri cubi di gazi. Ti furn’ia câ s-bagâ pâltearea tru avansu, fura curmati livrărli tră consumlu internu dit Ucraina. Pi chiungili cari trec prit aestă vâsilie urdinâ tora, maşi gazili tră consumatorl’i dit UE. Aşi cum spuni corespondentul Radio România la Moscova, declaraţiili di ma nâpoi a aţilor dauă părţâ alasă puţâni şansi să s-agiungâ la unâ cearei ti ndridzearea ntrâoarâ a crizâl’ei şi vahi că tâşi ti di toamnă va s-ţânâ pâzârâpseri pi aestâ temă. Ma multi stati europene dimândarâ că nu va s-aibâ problemi dupu curmărli ti livrarea cătră Ucraina, acâ va s-hibâ zn’iipsiti şi cantităţli ahârdziti tră UE.
Simfun cu reglementărli, a cafi unâl’ei vâsilie ţi ari borgea tra ş-adarâ rezervi. România easti ma puţân fuvirsitâ, ti furn’ia câ ari unâ producţie internă di gazi. Premierlu Victor Ponta lugursi un vade di şasi mesi fără ahtări problemi, iara ministurlu ali energhie, Răzvan Nicolescu, ari loatâ, meatri suplimentare, câftândalui a companiilor extractivi di gazi tra ş-amânâ eventualili lucrări di revizie la sonde, programati tru aestu chiro, tra s-aibâ producţie pân di mardzinâ. Unâ dit variantili tră asiguripsearea a securitatil’ei energhetiţi pi lungu chiro easti exploatarea a resursilor di gazi dit Amarea Lae. Premierlu Victor Ponta deadi curayiu, luni, la unâ andamusi cu viţeprezidentul ali companie ExxonMobil, ayun’iusearea a programlui di sâpari dit zona continentală ali Amarea Lae.
Di altâ parti, UE nu dramatizeadză eşeclu a aţilor dit soni pâzârâpseri trilaterali mutrindalui gazili şi ari umutea tru stabilitatea a tranzitlui di gazi, cu tuti plândzerli dipusi di “Gazprom (Rusia)” şi “Naftogaz (Ucraina)” la Curtea di Arbitraj di Stockholm. Unâ declaraţie tru aestâ noimâ fu faptă luni, Bruxelles, di comisarlu european tră energhie, Günther Oettinger. El adusi aminti că UE pripusi un plan di ndridzeari a conflictului cu gazili anamisa di Rusia şi Ucraina, cu pâltearea a borgil’ei ţi u au ucrainean’il’i până tru bitisita a anlui. Observatori politiţ di Bucureşti lugursescu acţiunea a Gazpromlui un şantaj şi unâ apofasi di retorsiuni, compania ti furn’ia câ nolgica di niachicâseareaa ruso-ucraineanâ suntu borgili a Kievlui, nu pâhălu dip mari câftat di Moscova. El’i spun ti aestu episod câ aduţi greali zn’ii economiţi tru contextul a conflictului ma lârguriu anamisa di Rusia şi Ucraina nica şi anamisa di ampulisearea anamisa di Estu şi Vestu.
Armanipsearea: Tascu Lala
