Panayirlu di carti GAUDEAMUS, un produs Radio România

Mihai Pelin, 17.11.2016, 13:00

Bucureşti ahurhi una nauă ediţie a Panayirlui Internaţional Gaudeamus – Carte di Nviţătură, organizat di Radio România. La ediţia di estan sunt prezenţa cama di 300 de expozanta — edituri românesti cu traditie, institutii de nvitămintu, difuzori di carti si publicatii, asociatii profesionale si organizatii active tru domeniile cultură si educatie, a curi la si adavgă multa participanta tru premieră. Ca tru cafi an, oferta easte multu avută, cu multe nautăţ, iara cărţale suntu tra tuti ilichiili. Oaspili di tin’ie a aistei ediţii easti China, care ari un standu impresionantu, iu publiclu poati s-ancupăra n’il’I di titluri, simnati de autori chinezi. Ministrul adjunctu chinez tra Cultură şi Mass-Media, Yan Xiaohong, declara că Târgul Gaudeamus va s-agiuta tra darea sila a colaboraril’ei cu România tru domeniul ali cultura.

Ia ti spusi Yan Xiaohong: “Îl’i calisim ghivasitorl’I român’i s-na viziteadza standul. Adusim cu noi cama di 3.000 di cărţa, iara delegaţia a noastră easte adrată dit reprezentanţal’i a atilor cama di 50 di edituri importanti dit China. Avem nadie că după aestu eveniment va s-creasca alaxerli culturali, educaţional şi editorial anamisa di vasiliili a noastri. Taximu că anda va na turnam acasă va s-adutem pi pazarea chineză şi autori români.” La yinitoarea ediţie, Statele Unite va s-aiba rolu di oaspi spetial a evenimentului. Prezentu la panayiru, ambasadorlu american la Bucureşti, Hans Klemm, spusi că aestă caliseari easti una tin’ie tra vasilia a lui.

Tru arada a lui ambasadorlu American Hans Klemm spusi: “Calisearea ca SUA s-l’ia parti ca oaspi di tin’ie la ediţia di anlu ti yini a Panayirlui Gaudeamus easti mutrită cu multu interes Washington, di furn’ia a aistui evenimentu. Noi lugursim că easti una tin’ie tra SUA s-hibă tru aestă ipostază tru România şi tamam aştiptăm s-avem una contribuţie la aestu panayiru di carte. Hiratimati ali Radio România tra furn’ia că organizeadză un ahtari importantu eveniment nu masi tra literatură, nu masi tra România, ca şi tra comunitatea internaţională. Panayirurli internaţionale suntu cu hargi nsimneadza multi resurse tra s-hiba organizati, iara Radio România apraftaseasti cafi an s-adara aestu lucru tru harea di instituţie di interes public.”

Tru aestu an, Gaudeamus, nai ma marea manifestari di aesta turlie tru România, pripuni a publiclui cama di 850 di evenimente editoriale si profesionale, recordu tru istoria a panayirlui – lansări di carti, andamusi cu autori, editori şi alti personalităţ.

Autor: Mihai Pelin

Armanipsearea: Tascu Lala