România, cilastaseasti tra s-afla un nau premier
Cabinetlu di stânga PSD — ALDI cumandusitu di Sorin Grindianu fu kisatu di coaliţia cari lu avea pripusa, ti furn’ia ca nu avu hairlatică şi amanari nipermisa tra bagarea tru practico a programlui di guvernari. Luni, social-dimocraţii va s-hiba diznau protl’i consultaţ di prezidentul Klaus Iohannis tra adrarea a unui nau cabinet. Va s-hina pi arada deapoa libearalii, numirlu una dit opoziţia di centru-dreapta, deapoa USR, PMP, UDMR şi reprezentanţii a minorităţilor naţionale. Va s-hiba un week-end tra definitivarea a strategiilor tra discuţiile di la prezidentil’e.
Ştefan Stoica, 23.06.2017, 19:42
Cabinetlu di stânga PSD — ALDI cumandusitu di Sorin Grindianu fu kisatu di coaliţia cari lu avea pripusa, ti furn’ia ca nu avu hairlatică şi amanari nipermisa tra bagarea tru practico a programlui di guvernari. Luni, social-dimocraţii va s-hiba diznau protl’i consultaţ di prezidentul Klaus Iohannis tra adrarea a unui nau cabinet. Va s-hina pi arada deapoa libearalii, numirlu una dit opoziţia di centru-dreapta, deapoa USR, PMP, UDMR şi reprezentanţii a minorităţilor naţionale. Va s-hiba un week-end tra definitivarea a strategiilor tra discuţiile di la prezidentil’e.
Şeful a statlui nu tradzi mana di criteriul di integritate bagat a atilui pi cari va lu aleaga prim ministru. Aestu — precizat el — lipseasti s-hiba una persoană integră, fără probleme penale, una persoană cari îl candaseasti că ari capacitatea s-conducă un guvern şi easti susţanută di una majoritate parlamentară. E, dimec, sigura că nu va s-hiba niti tora premier şeflu a PSD Liviu Dragnea, a curi condamnarea cu suspendari tra tentativa di furlaki a referendumului dit 2012, di demitere a prezidentului Traian Băsescu, îl’i curmă accesul tru framtea a executivului. Yinitorul premier lipseasti s-hiba un om corect şi responsabil, una persoană tin’isită şi cu viziune, iara PSD va s-aleaga dit 4 variante ti suntu simfuni cu zuyrapsearea, spunea Dragnea. PSD şi ALDI au fapta schiţa tra lista a yinitorului cabinet. Aeasta, tra atea că social-dimocraţii nu s-aşteaptă la surprize dit partea a prezidentului.
Viteprezidentul PSD, Doina Pană, tru una diclaraţie tra postul public: “Noi avem un acord di guvernari deadun cu ALDE şi avem un acord parlamentar cu UDMR-ul cari nu kiru. Cadealihea că noi va s-lipsească s-apufusim tra numa cu cari coaliţia PSD – ALDI va s-duca la Cotroceni ca pripunere di prim-ministru, ok-ul di la Cotroceni escu convinsă că va s-yina, tuti semnalele pe cari prezidentul li deadi până tora fu di stabilitate, deapoa aestu prim-ministru va s-lipseasca tra s-adara pareia guvernamentală”.
PNL midueasti că anticipatele suntu ceareai optimă tra ieşearea dit criza actuală. Noul lidir liberal, Ludovic Orban, napoi spusi susta opoziţia andicra di PSD.
Ludovic Orban: “Nu va s-avem niti una moeabeti tra negociere tra adrarea a noului guvern cu PSD, va s-votam contra la iti formula di guvern cari va s-acata tru isapi PSD tru ea. PNL easti ndreptu tru iti moment să-şi l’ia borgea tra guvernari, ama vrem s-intrăm la guvernari pe uşa di dininti şi formula preferată di colegiil’i a mei easti formula anticipatelor”.
Ananghisita procedural şi cronofagă, varianta a anticipatelor fu evocată după ti adversarii a coaliţiei PSD — ALDI agiumsira pi isapea că aesta nu putu tra sa-si surpa guvernul a lor câ masi cu voturile a nascantor deputaţ a minorităţilor naţionale, alti andicra di atea maghiară. Niti USR nu va colaborarea cu PSD, ama nu va s-traga mana di la participaria tra un yinitor guvern di coaliţie format di alanţa actori politici. Cu ngatan, UDMR nu sa spusi cu minduearea, ama cundil’e că ari nadie ca aestă criză să s-bitiseasca ntraoara, iara guvernarea s-hibă priloată di un cabinet politic.
Autor: Ştefan Stoica
Armanipsearea: Tascu Lala
