Economie şi fiscalitati

Tru România, naulu program di guvernare a coaliţiei PSD-ALDI pruveadi că tuti firmele dit România s-palteasca un impozit pi tifra di afaceri tru loclu a impozitlui pi profit, cari numata va s-hiba tru lucru. Apofasea va s-baga tru lucru di la 1 yinuar 2018, a deapoa firmele mari numata va s-palteasca impozit pi profit di 16%, aşi cum s-fati tru aestu kiro, ca masi un impozit pi venit di 1%, 2% ica di 3%. Guvernatorul BNR, Mugur Isărescu spusi că instituţia ti u cumanduseasti va s-faca isapi cu ngatan tra programlu di guvernare cându aestu va s-hiba hazari. Tru ti mutreasti naetea a executivlui tra s-baga tru lucru impozitlu pi tifra di afaceri tru loclu a atilui pi profit, şeful a băncal’ei tentrala cundil’ea că idiea nu easti a varnui specialist BNR.

Mihai Pelin, 04.07.2017, 14:24

Tru România, naulu program di guvernare a coaliţiei PSD-ALDI pruveadi că tuti firmele dit România s-palteasca un impozit pi tifra di afaceri tru loclu a impozitlui pi profit, cari numata va s-hiba tru lucru. Apofasea va s-baga tru lucru di la 1 yinuar 2018, a deapoa firmele mari numata va s-palteasca impozit pi profit di 16%, aşi cum s-fati tru aestu kiro, ca masi un impozit pi venit di 1%, 2% ica di 3%. Guvernatorul BNR, Mugur Isărescu spusi că instituţia ti u cumanduseasti va s-faca isapi cu ngatan tra programlu di guvernare cându aestu va s-hiba hazari. Tru ti mutreasti naetea a executivlui tra s-baga tru lucru impozitlu pi tifra di afaceri tru loclu a atilui pi profit, şeful a băncal’ei tentrala cundil’ea că idiea nu easti a varnui specialist BNR.

Ia ti spusi Mugur Isărescu: “Impozitlu pi tifra di afaceri easti un impozit cari există tru multi vasilii a lumil’ei. Io nu spun că easti ghini ica arău. Ideile cari suntu atribuite a Bancal’ei Centrala s-ved tru iti manual di politici economice, dimi nu lipseasti s-nkiseasca orlea zorlea di la un personaj cari lucreadză la BNR. Important easti cari li recepteadză, cum le recepteadză şi cum li baga tru practică.”

Premierlu Mihai Tudose easti simfun cu un impozit pi tifra di afaceri tra companii, ama gradual şi masi pi nascanti tipuri di activităţi, cundil’eara izvuri guvernamentale. Uidisitu cu aesti, premierlu aşteaptă rezultatlu a simulărilor mutrindalui asta turlie di impozit, realizati di Ministerul a Finanţelor Publice şi deapoa va s-l’ia una apofasi. Al’iumtrea, tru minduita a experţalor, aestă apofasi ari cabili s-hiba zn’iipsitoari tra mediul di afaceri şi va sa scoata tru migdani una dalga di efecte negative. Ma multu, el’i fac timbihi că bagarea tru practico a unei cote diferenţiale di impozit pi tifra di afaceri poate sa scoata discrepanţe concurenţiale anamisa di vasilii, discrepanţe cari va sa s-veadă tru pahadzl’I a produslui final, România hiindalui tru piricl’iu ase declanşarea a protedural’ei di infrigement.

Efectili a impozitaril’ei tra tifra di afaceri a companiilor va s-hiba zori ti taneari tru mana tra majoritatea a companiilor dit România, maus tra ateali cari au venituri di 1 miliuni di euro s-cama (60% di eale suntu cu acţionariat xen), sa spuni tru una analiză realizată di Asociaţia a Analiştilor Financiar-Bancari dit România. Simfun cu aesta, nai cama zn’iipsiti di naili misuri va s-hiba sectoarele tra distribuţie şi a vinderlor cu amănuntul, cari nregistrează tradiţional rulaje mari cuplati cu mardzin’i di profit ma scădzute. Aestu easti protlu studiu di impact a nailor misuri fiscale, tru condiţiile tru cari, niti guvernul şi niti autorl’i a programlui di guvernare PSD-ALDI nu featira public niti una turlie di ahtari documentu.

Auutor: Mihai pelin

Armanipsearea: Tascu Lala