Prezidentulu ali Românie la ONU
Valorle dimocratiţi şi arada internaţională, restricţiile legate di pandimia di coronavirus şi situaţia ditu Afganistan eara ndauă di temele z intervenţiillei pi cari prezidentulu ali Românie, Klaus Iohannis, u avu marţă tru cadrul Adunarillei Generale a Naţiunilor Unite di New York. Easti tră prima oară di tu ahurhita-a pandemiillei când şefi di stat şi di guvern ditu cama di 100 di stati suntu prezenţă fizic la reuniune.
Mihai Pelin, 23.09.2021, 11:02
Valorle dimocratiţi şi arada internaţională, restricţiile legate di pandimia di coronavirus şi situaţia ditu Afganistan eara ndauă di temele z intervenţiillei pi cari prezidentulu ali Românie, Klaus Iohannis, u avu marţă tru cadrul Adunarillei Generale a Naţiunilor Unite di New York. Easti tră prima oară di tu ahurhita-a pandemiillei când şefi di stat şi di guvern ditu cama di 100 di stati suntu prezenţă fizic la reuniune.
Pandemia di COVID-19, acă zñiipsi aproape tuti aspectele a banăllei, adusi şi oportunităţi di adaptare, declară șeflu a statului român tru zborlu ţi ălu ţănu. El spusi că easti ananghi di una abordare inovatoare tră s’apăndăsească tu dyiul kiro la unu şingiru lărguriu di provocări interdependenti, cata cum sănătatea, alăxerli demografiţi, migraţia, resursele limitate, alăxerli climatiţi şi kirearea a biodiversitatillei, ftuhia extremă şi foamitea.
“România lugurseaşti susto că valorile dimocratice şi una arada internaţională bazată pi reguli, avânda ONU la thimelliu, suntu fundamentale tră construirea unui yinitor ma sigura şi ma bun. Pandemia nă spusi tutunăoară că lipseaşti sflămu modalităţi ti s’reconstruimu ma ghinin şi ma ecologic, trebuie să ne reangajăm tru procesul dizvoltării unor economii durabile, precum şi a născăntoru societăţi reziliente, corecte şi incluzive, tru cari vărnu nu easti alăsat dinăpoi”, spusi Klaus Iohannis.
Tru aţea ţi mutreaşti Afganistanul, şeful statului român spusi că nai cama pi zori problema easti evacuarea tru siguranţă a afganilor cari voru s’fugă ditu văsilie, tru condițiile tru cari pandimia di COVID-19 feaţi intervenţia umanitară nica ma cu zori. Tru opinia al năsu, easti esenţialu să s’asiguripsească tiñisearea a ndrepturloru omului şi faptul că asistenţa uminitară poate s’hibă livrată.
Di altă parte, Klaus Iohannis cundille că lipseaşti s’hibă asiguripsitu un acces semnificativ şi sigura la internet, ama şi anvărtuşearea a securitatillei cibernetice şi promovarea a unui purtaticu responsabil tru spaţiul cibernetic, abordânda tru idyiulu kiro problematica ti arăspândearea a discursului instigator la ură şi a dezinformarillei tru mediul digital. Tru aestu context, el adusi aminti că România easti nicukirlu a Centrul European tră Securitate Cibernetică, spunănda că aestu va u faca ma hairlătică cercetarea tru materie di rezilienţă şi securitate cibernetică tru tută UE.
Tutu marţă, Klaus Iohannis dipusi lilici și ţănu un momentu di arigeai tru memoria a victimelor atentatelor teroriste ditu 11 di yismăciuni 2001, la memorialul adratu tru loclu apiryurloru di ma ninti dzeamini di la World Trade Center, iu ţinţi cetăţeni americani di origine română muriră aoa şi 20 añi. Pi parapetlu metalic ţi anvărligheadză monumentul suntu gravate numili a aţiloru cama di 2.600 di victime a nai cama sândzirosu atac xenu faptu pi teritoriu american vărăoară. Atumţea, teroristii deturnară patru avioane cu pasageri la bord: dauă agudiră tamamu ateali dauă pirguri, unu cădzu pisti Pentagon, iar ună altă aeronavă, a curi ţintă finală s’lugurseaşti că vrea s’eara Capitoliul ică Casa Albă, cădzu pi unu câmpu.
Autoru: Mihai Pelin
Armânipsearea: Taşcu Lala
