Digitalizarea şi securitatea a datilor personali
Executivlu aprobă năulu sistem di stocari a datilor personali a românilor tru ună platformă di cloud guvernamental.
Mihai Pelin, 01.02.2023, 12:20
Guvernul di București aprobă sistemlu di management a datilor personale a cetăţenilor cari va s’hibă stocate tru yinitoarili ţentri di date guvernamentale. Eara apufusiti politiţ di securitate cari s’garanteadză că vărnu niautorizat nu va s’aibă izini la datile personale a românilor.
Ministrul a digitalizarillei, Sebastian Burduja, exighisi că oamiñilli va s’hibă informaț atumţea cându autoritățli au ananghi di datili a lor. Stocarea va s’facă tru ună platforma di cloud guvernamental (servere), a deapoa până tru 2026 nai ma pţănu 30 di instituţii să s’integreadză tru aestu, cundille ministrul. Proiectul ari un buget total di pisti 561 di milioane di euro. Ministrul exighisi că dateili a cetăţenilor va s’hibă tu un loc sigura și viglleatu, aeşti deapoa va s’hibă notificaţ câti ori ună instituţie le acceseadză datili.
Sebastian Burduja: “Tiñisimu criteriul di suvearanitate a datilor a românilor şi tuti ţentrili di date aferente cloudului guvernamental suntu şi va s’hibă pi teritoriul ali Românie. Tutunăoară, zburămu tru premieră di reglementarea accesului şi di jurnalizarea a lui. Datili suntu băgati tru cloudul guvernamental şi jurnalizăm accesul la aesti, aţeaturlie că el s’nu poată shibă aspartu. Dimi iţi accesare a datilor va s’hibă jurnalizată, auditată, iara cetăţeañilli români va s’hibă notificaţi cu privire la accesul statului român la datele lor.”
SRI va s’asiguripsească securitatea cibernetică, iara STS implementarea, administrarea tehnică și operațională, securitatea cibernetică, mentenanța, cum și dezvoltarea a infrastructurăllei di bază a cloud-ului guvernamental. Ună hălati ţi easti ananghi ti accesarea tru format electronic a lenu turlii di serviţii easti şi naua carti di iditutitate cari, până la bitisita a aluştui an, va s’poată s’hibă elibearată la nivel naţional. Protili 5 milioane di cărţă va s’hibă adrati ditu fondurile Planului Național di Redresare și Reziliență, exighisi chestorul di poliţie Cătălin Giulescu. Uidisitu cu aestu, un altu obiectiv vrea s’hibă simplificarea a procedurilor.
Cătălin Giulescu: “Ahât cartea electronică di identitate, ama şi cartea di identitate simplă va s’hibă emisi tru un format. Easti zborlu ti formatlu a actualui permis di conduţeri I a cardului bancar, dimi, easti zborlu ti ună dimensiune nicurată a documentului. Elementili di securitate băgati tru aesti dauă documente suntu uidisiti cu era tehnologică tru cari bănămu, ase că va s’hibă eliminate actualili riscuri di securitate, pi cari actualili documente tru circulaţie le prezintă. Easti zborlu di cartea di identitate pi cari u avem adză tru circulaţie şi cari fu emisă ahurhinda cu anlu 1997.”
Părinţălli va s’poată s’caftă eliberarea di cărţă di identitati tră minori. Ma multu, cetăţeañilli pot s’opteadză cata cum pănă tora, nica spusi chestorlu, anamisa di cartea electronică di identitate şi cartea di iditutitate simplă, dimi atea ţi nu ari suport electronic di stocari, andicra di interesili ică credinţa a cathiunlui ihnsu.
Autoru: Mihai Pelin
Armânipsearia: Taşcu Lala
