Cum va s’ahurhească anlu scularu?
Ştefan Stoica, 02.09.2021, 21:41
Tru 13 di yismăciuni, tuti unităţli di nviţămintu ditu România va s’hibă dişcllisi. Easti treilu an şcolar ditu pandemie, iara condiţiile sanitari ţi lipseaşti s’hibă tiñisiti orlea zorlea armânu idyili: distanţarea fizică, aerisirea sălliurloru şi purtarea a prusupidăllei di protecţie tu interior. Andicra di anlu şcolar tricut, creaşte rata di infectare ditu ună localitate di la cari tru unităţli di nviţămintu nu mata va s’da izini niţi ti activităţli di recuperari a materiillei. Părinţălli şi cilimeañilli va s’veadă cathi dzuua di viniri di pi frăndza di internetu a Direcţiillei di Sănătate Publică desi stămâna yinitoari s-ţănu oari tru formatu fizic i online, andicra di catandisea ditu cathi localitate, spusi ministurlu ali educaţie.
Sorin Cîmpeanu: “Până la agiundzearea a ratăllei di infectare di 6 la ñillea di bănători tru localitati, tuti creşili, grădiniţili şi şcolile va s’lucreadză cu prezenţă fizică. După năstriţearea-a ratălei di infectare di 6 la ñille, armân dişcllisi creşele şi grădiniţili, tuţ elevllii intră tru online, cu ună goala excepţie: nviţămintul special. Di altă parti, tra nviţâmintul special activităţile di terapie, activităţi pritu cari elevllii cu cerinţe educaţionale speţiali nveaţă practic s’armănă tru bana, va s’aibă izini şi după năstriţearea-a ratăllei di infectari di 6 la ñille. Easti goala excepţie”.
Responsabila di la Sănătate, Ioana Mihăilă, exighisi ţi va s’facă car ava s’alăncească unu caz di COVID tru una clasă: “Cara vas a zburamu di clase di nviţământul preşcolar şi di clasele di la pregătitoare până la clasa a şasea inclusiv, elevii ditu clasa cilimeanlui cari fu diagnosticat pozitiv ma largu va s’faca nviţămintul online kiro di 14 di dzăli, ama pot s’toarnă ahurhinda cu dzuua a opta, pritu testare antigen rapidă, tru condiţiile tru cari rezultatili alustoru testi suntu negative. Tra cilimeanili ditu clasele a şaptea, a opta şi nviţământul liceal, la apariţia a unui caz pozitiv tru şcoală, ari doauă situaţii: cilimeañlli cari fură vaccinaţi ica tricur4 pritu lăngoari tru aesti ditu soni 180 di zile pot ma largu s’nveaţă faţă tru faţă. Alanţă cilimeañi trec pi nviţămintu online, idyea cata tru tru clasili primari şi până la clasa a şasea, tra 14 di dzăli, ama cu posibilitatea testarillei şi turnarea la şcoală ahurhina cu dzuua a opta.”
Consiliulu Naţionalu al Eleviloru lugurseaşti ca easti ananghi testarea a tutulor elevilor, nu maş a atiloru nivaccinaţ, ase câ riscul di arăspândeare comunitară să s’limiteadza cât ma multu. Organizaţia a elevilor cafta, di alta parti, a statlui s’asiguripseasca protecţia a tutulor elevilor aflaţi tru situaţii di riscu medical, dimi a atiloru diagnosticaţ cu len turlii di lăngori croniţi, nu maş a aţiloru cu afecţiuni asociate imunodepresiillei, di itia câ actul di vaccinare easti unu independentu di elev, cari tani tru una turlie directa di acordul expliţitu a părinţălor. Consiliul cutugursi amanarea apariţiillei a ordnlui comun a atiloru doi miniştri tu ligătură cu activitatea tru şcoli si cundille că sistemlu di educaţie ari ananghi di predictibilitate.
Autoru: Stefan Stoica
Armânipsearea: Taşcu Lala
