Vot tră Parlamentul European
După unâ campanie cari avu dip puţân ligâturâ cu problematiţli europene — dimec locuri di lucru, fenomenlu ali migraţie, politiţli soţiali — alidzerli dit România tră Parlamentul European adusirâ dininti, cu unâ goalâ tră cundil’eari excepţie, rezultatili antiţipati. Alianţa electorală di stânga PSD — PC — UNPR, anvârliga a curi easti adrat cabinetlu di Bucureşti, ş-trapsi partea a leului şi va s-pitreacâ tru legislativlu comunitar aproapea giumitati dit aţel’i 32 di eurodeputaţ ţi va u reprezintâ România. Yin, la mari distanţă, dauă formaţiuni di ţentru-dreapta, PNL şi PDL. Nica va s-intrâ tru legislativlu di Bruxelles UDMR şi nău timil’iusitlu Partid Minarea Populară, pro-prezidenţial, ţi easti la protlu testu electoral, dauli nu alargu di praglu di 5%.
Ştefan Stoica, 26.05.2014, 13:21
După unâ campanie cari avu dip puţân ligâturâ cu problematiţli europene — dimec locuri di lucru, fenomenlu ali migraţie, politiţli soţiali — alidzerli dit România tră Parlamentul European adusirâ dininti, cu unâ goalâ tră cundil’eari excepţie, rezultatili antiţipati. Alianţa electorală di stânga PSD — PC — UNPR, anvârliga a curi easti adrat cabinetlu di Bucureşti, ş-trapsi partea a leului şi va s-pitreacâ tru legislativlu comunitar aproapea giumitati dit aţel’i 32 di eurodeputaţ ţi va u reprezintâ România. Yin, la mari distanţă, dauă formaţiuni di ţentru-dreapta, PNL şi PDL. Nica va s-intrâ tru legislativlu di Bruxelles UDMR şi nău timil’iusitlu Partid Minarea Populară, pro-prezidenţial, ţi easti la protlu testu electoral, dauli nu alargu di praglu di 5%.
Tru unâ competiţie ţi canda ţânea maşi di partidi, succţeslu a actorlui Mircea Diaconu ca independentu easti unâ surpriză. Polimlu tru justiţie purtat di el tra s-amintâ validarea a unei candidaturi cabaia contestatâ lu alâxi, tru percepţia publică, tru un alumtâtor anti-sistem şi s-alâxi tru voturi tră cari nu avea nâdie. Unâoara bitisitu un euroscrutin ţi di multu chiro numata fu câ masi antrenamentu cu public tră alidzerli prezidenţiale dit brumar, oara trţ negocierli politiţi poati s-hibâ apufusitu ca dişcl’is. Pi comata di ţentru-dreapta, lucârli agiumsirâ ca ma aplo, ti furn’ia câ alidzerli europarlamentari pitricurâ pi tuşă partidi di gepi, catacum Forţa Civică icâ PNŢCD, eara cu câftarea tra s-agioacâ roluri multu pisti mastea a lor politică tru yinitoarili pertractări.
PNL, numirlu unâ tru opoziţie, confirmat şi de aesti alidzeri, lugurseasti că urgenţa easti timil’iusearea a unui frontu anti-PSD. Tru idyea logică, a alumtâl’ei contra a forţilor di stânga, liberal’ii dimândarâ că eurodeputaţl’ii a lor vor tra s-treacâ di la gruplu ALDE — Alianţa Liberalilor şi Democraţlor Europeni — la Partidlu Popular European, tra s-nu s-agiungâ la priloarea a prezidenţiil’ei la Comisia Europenâ di cătră Socialişti. Prit configuraţia politică ţi u pripuni tru PE, România contradzâţi unâ mindueari gâilipsitoari ţi s-veadi pi nivel european. Tru condiţiile tru cari eurosţepţiţl’i şi extremiştil’i loarâ silâ, maxus haristusitţ a voturlor cabaia loati tru Franţa şi Marea Britanie, România nu va s-pitreacâ tru PE niţi un partid di orientari populistă icâ xenofobă, câţe PRM şi PP-DD nu aprâftâsirâ tra s-intrâ tru legislativlu comunitar. Acâ agiumsi cama subţâri, Gruplu a popularlor europeni va s-aibâ nai ma mulţâ europarlamentari şi tru năulu Legislativ, iara dupu el yin socialiştil’I şi democraţl’i. Niti un dit arada a lor nu va u aibâ, ama, majoritatea di 376 di mandati, lucru ti spuni nchisearea pâzarapseri greali şi caftă compromisuri.
Armanipsearea: Tascu Lala
