Stânga amintâ parlamentarili dit România

Masi 40% dit atel’i cama di 18 miliun’i di român’i cu ndreptu di vot s-dusira la urni la alidzerli parlamentari di dumanică, iara aproapea giumitati di el’i aleapsira tra s-da votlu tra partidlu fanion a Stângal’ei, PSD. Aestu aminta anvarliga di 45 di protenti em la Camera a Deputaţlor em la Senat, iara liderlu a formaţiunil’ei, Liviu Dragnea, sa spusi cu ndriptati tra s-cafta tra PSD ipotisea di premier. Opţiunea a român’ilor fu exprimată limpid, iara aestu lucru lipseasti s-hiba tin’isitu di cătra tuti instituţiile fundamentale, spusi Dragnea: “Io voi ca tru România s-armănă aestă democraţie stabilă, fără conflicti inutili, iara aesta va s-dzacă că tuti instituţiile fundamentali a statlui lipseasti s-akicăsească şi s-tin’isească votlu di ază a român’ilor”.

Ştefan Stoica, 12.12.2016, 12:39

Masi 40% dit atel’i cama di 18 miliun’i di român’i cu ndreptu di vot s-dusira la urni la alidzerli parlamentari di dumanică, iara aproapea giumitati di el’i aleapsira tra s-da votlu tra partidlu fanion a Stângal’ei, PSD. Aestu aminta anvarliga di 45 di protenti em la Camera a Deputaţlor em la Senat, iara liderlu a formaţiunil’ei, Liviu Dragnea, sa spusi cu ndriptati tra s-cafta tra PSD ipotisea di premier. Opţiunea a român’ilor fu exprimată limpid, iara aestu lucru lipseasti s-hiba tin’isitu di cătra tuti instituţiile fundamentale, spusi Dragnea: “Io voi ca tru România s-armănă aestă democraţie stabilă, fără conflicti inutili, iara aesta va s-dzacă că tuti instituţiile fundamentali a statlui lipseasti s-akicăsească şi s-tin’isească votlu di ază a român’ilor”.

PSD lu-azvimsi, practic, partidlu reprezentativ a Dreaptal’ei, PNL, a curi archisurari ahurhita la localili di asta veară fu confirmat la leghislativi. Cu masi 20 di procente, libearal’i nica avea nadii, dumanică dicseara, tru una thama cari să-lu tana favoritlu a lor, tehnocratlu Dacian Cioloş, tru caplu a guvernului. Alina Gorghiu, prezidentul PNL: “Scupolu pripus, dimec atel tra s-avem una majoritati parlamentară tra proiectul Dacian Cioloş prim-ministru easti un proiectu cari nica giocă. Aesta tani di rezultatlu final, va s-tana di rezultatlu a alantor partidi n’it, macă va s-intra ica nu tru parlamentu”.

Partidili n’it tra cari doamna Gorghiu avea nadie s-li veadă tru legislativ adunati anvarliga a proiectului Dacian Cioloş premier — USR şi PMP – nastricura praglu di 5% ama nu pot s-arastornă aritmetica a alidzerlor. După succeslu amintat la locali tru capitală, Uniunea Salvaţi Bucureştiul s-alaxi tru Uniunea Salvaţi România şi, cu cama di 9% la protlu testu naţional major, taxeasti s-agiungă alternativa, axizită şi niagudită di cavgadz di arusfeti, ti eaasti la partidili polititi tradiţionale. Caplu a USR, Nicuşor Dan: “Un partid adrat dit oamin’i cari nu mata featiră politică intră tra prima oară după revoluţie tru parlamentu”.

ALDE, adrată pi una dezidenţă liberală şi cumandusita di fostul premier Călin Popescu Tăriceanu, va s-hiba tru Parlamentu şi cu ateali aproapea 6 protenti va s-ndrupasca, uidistu cu una akicaseari di ma nainti anvartusita declarativ după scrutin, PSD. Al’iumtrea, tru opoziţie va s-hiba popularl’ii a fostului prezidentu Traian Băsescu, ti intrara la limita a atilor 5 protenti. Nu va s-armana nanaparti UDMR, cu ateali cama di 6% dit voturi, iara liderlu Kelemen Hunor nu ascundi vrearea a Uniunil’ei tra s-hiba contributor la apofasili a leghislativlui: “Am nadie că gruplu a nostru parlamentar va s-aiba un zbor ti-a-spuneari tru tuti apofasili cari vor s-hiba loati tru parlamentu”.

Niti un independentu nu va s-hiba anamisa di naiil’i alepta. Dit videala tehnica, scrutinlu di dumanică cundil’e turnarea, după dauă arâdariki di alidzeri uninominali, la votlu proporţional, pi listi. Tru premieră, tru diaspora s-ufilisi votlu prit corespondenţă, atea turlie ca român’il’i ti au reşedinţa nafoara a sinurlor să-şi ufiliseasca lisor aestu ndreptu. Politic, lucarli suntu tranşati tu favoarea a PSD şi a aliatlui a lor, ALDE.

Votlu popular l-aduti Klaus Iohannis tru una ipotisi incomodă, iara analiştil’i s-ntreabă, la unison, desi va s-tragă mana dupu zorea a PSD şi napoi va s-traga mana di la criteriul di integritate la cari ţani. Nintea a alidzerlor, prezidentul Klaus Iohannis avea fapta timbihi că nu va s-aleaga un prim ministru cu problemi di turlie penală, iara Liviu Dragnea, a curi numa fu acatata tru moeabeti ca posibil premier, avu una condamnari cu suspendare tra mintearea a lui tru referendumlu tra demiterea a fostului şef a statlui, Traian Băsescu.

Autor: Ştefan Stoica

Armanipsearea: Tascu Lala