32 di añi di la cădearea al Ceaușescu
Tru 16 di andreu 1989, Timișoara nkisiră protili protesti contra a regimlui comunist, cari s-teasiră deapoa tru tuţ căsăbadzlli a văsiliillei. București, revolta avu kipita, tu 22 di andreu, cu fuga a dictatorlui Nicolae Ceauşescu şi a nicukirăllei a lui, Elena, cu elicopterlu, di pi casa-a Comitetlui Central a PCR. Cama amănatu, elli fură acăţaţ şi executaţ tamam tru dzuua di Cărciun, după ună giudicată minutişu faptă. Tru andreu 1989, tru România, muriră cama di 1.100 di oamiñi, iara naima pţănu 3.000 fură pliguiţ, Cunuscuta antribari grită aoa şi 32 di añi – “21 – 22, cari amină tu noi noi?”, easti ma largu fără apandisi. Ancheta a procurorlor nică nu fu bitisită si stipsiţlli nu fură pidipsiţ. Nu să știe căţe numirlu a aţiloru tufikisiţ criscu după 22 di andreu, cându regimlu eara avinatu. Nu fură aflati tuti forțili militare ică ţivile partiţipanti la reprimarea a manifestanțălor, nu fu recuperată bărutea cu cari s’amină. Acă SRI adră unu document lărguriu mutrinda evenimentili di atumţea, aesta nu s’veadi tru dosar. Tutunăoară, nu fură căftati documenti multu importanti ditu arhivili a MApN.
Mihai Pelin, 22.12.2021, 21:20
Tru 16 di andreu 1989, Timișoara nkisiră protili protesti contra a regimlui comunist, cari s-teasiră deapoa tru tuţ căsăbadzlli a văsiliillei. București, revolta avu kipita, tu 22 di andreu, cu fuga a dictatorlui Nicolae Ceauşescu şi a nicukirăllei a lui, Elena, cu elicopterlu, di pi casa-a Comitetlui Central a PCR. Cama amănatu, elli fură acăţaţ şi executaţ tamam tru dzuua di Cărciun, după ună giudicată minutişu faptă. Tru andreu 1989, tru România, muriră cama di 1.100 di oamiñi, iara naima pţănu 3.000 fură pliguiţ, Cunuscuta antribari grită aoa şi 32 di añi – “21 – 22, cari amină tu noi noi?”, easti ma largu fără apandisi. Ancheta a procurorlor nică nu fu bitisită si stipsiţlli nu fură pidipsiţ. Nu să știe căţe numirlu a aţiloru tufikisiţ criscu după 22 di andreu, cându regimlu eara avinatu. Nu fură aflati tuti forțili militare ică ţivile partiţipanti la reprimarea a manifestanțălor, nu fu recuperată bărutea cu cari s’amină. Acă SRI adră unu document lărguriu mutrinda evenimentili di atumţea, aesta nu s’veadi tru dosar. Tutunăoară, nu fură căftati documenti multu importanti ditu arhivili a MApN.
România fu condamnată ma multi ori arada, la CEDO, tră amanarea-a cazlui. Protili condamnări definitive fură dati tăş tru anlu 2000, cându generalii Mihai Chițac și Victor Stănculescu fură condamnaț la 15 di añi di hăpsani, ama elibearaț dupu recursu. Ncllişi tru 2008, Chițac muri tru 2010 acasă, iara Stănculescu fu elibeara tru 2014 și muri doi ani ma amănatu tru un azil di lux. Meslu ţi tricu, Analta Curte di Casașie și Justiție apufusi pitriţearea diznău la Parchetlu Militar a dosarlui Revoluţiillei tru cari fostul prezidentu Ion Iliescu şi fostul viţeprim-ministru Gelu Voican Voiculescu şi generalu (r.) Iosif Rus, fostu şef ali Aviaţie Militară, sunt stipsiţ că feaţiră născănti infracţiuni contra uminitatillei.
Simfunu cu rechizitoriulu, tru hăvaia aspărdzearillei ligăturli anamisa di România şi URSS, după momentul “Praga 1968”, ama şi di itia a caatandisillei di niifharistuseari ahănda, cabaia mari ditu societate, s-nclligă şi criscu ună parei dizidentă cari avu protu scupo avinarea-a fostului dictator Nicolae Ceauşescu, ama cari mutrea ţănearea ali Românie tru sfera di influenţă a URSS. Procurorlli militari spunu că pareia ţi eara anvărliga di Ion Iliescu lucră abilu şi cu hăiri ti priloarea a putearillei politiţi şi militare tru andreu 1989. Ma multu, fu criscută psihoza mutrinda aşi spusili ică existenti parei di terorişti. Tută forţă militară a Româniillei s-băgă la dispoziţia a Consiliului Frontului Salvarillei Naţionale (CFSN) – organ provizoriu a putearillei di stat, cari ma amănatu agiundzi partid politic – FSN, cumăndusitu di Ion Iliescu, fostu membru a nomenclaturălleii comunisti. Tru mai 1990, sunt organizati protili alidzeri libire și el easti aleptu prezidentu cu un scor ti nipistipseari: 85% ditu voturi. Ma amănatu, avu nica dauă mandate, anamisa di 1992-1996 şi 2000-2004. Pi hiotea a kirolui, FSN s’alăxeaşti tru PDSR, deapoa tru PSD, aestu ditu soni hiinda la guvernare, tru aestu kiro, tru România.
Autor: Mihai Pelin
Armânipsearia: Taşcu Lala
