Demisia a ministrului și scandalul din aziluri
Ca ună consecință a mintiturălei/ a scandalului mutrinda aralile tratamente la care eara supuși bătrâni și persoane vulnerabile în-tru aziluri, ministrulu român a Lucrului, social-democratulu Marius Budăi, își deade, aieri, de
Leyla Cheamil, 14.07.2023, 22:11
Ca ună consecință a mintiturălei/ a scandalului mutrinda aralile tratamente la care eara supuși bătrâni și persoane vulnerabile în-tru aziluri, ministrulu român a Lucrului, social-democratulu Marius Budăi, își deade, aieri, demisia, ţi cara că, înăinte cu indoaua dzâle, spunea că aestu ghest nu conteadză. Vicepremierulu Marian Neacşu va hibă ministru interimar, iar surse politiţe afiirmă că vinitorulu ministru a Lucrului va hibă numit di PSD (la co-guvernare), siptămâna vinitoare, cându va hibă organizată ună şedinţă a conduţerilei a liştei formaţiuni politiţe. Decizia demisilei fu anunțată di premierulu social-democrat Marcel Ciolacu, uidisit a cure aestu ghest easte normal într-ună democraţie.
Am avută ună discuţie cu domnul ministru a Lucrului, Marius Budăi, care mi anunţăă dispre decizia tra să-şi depună demisia la finalul a liştei şedinţăe. Di punctul a meu di vedeare, easte un ghestu di onoare tră care îli mulţaniisescu şi escu convinsu că aesta easte reacţia normală a unui decidentu politic într-ună ahtare criză. Este reacţia normală tru hibă ţi democraţie consolidată a Europăleiˮ.
Thiriulu/ multu marile scandal a azilurilor a puvriilei așa cum sunt numite în presa din România si aprease năinte cu ună siptămână și giumitate, ama primile acuzații fură fapte/ făcute năinte cu mai mulţă meşi. Dezvăluirile spusiră/ deadiră sa si veadă, atumţea, că piste 100 di ași-dzâși beneficiari a luştor chentre eara insulaț, înfomitaţ, torturaţ, exploataţ și privaţ di condiţii minime di igienă. Întră timpu, autoritățâle contiinuă acţiunea di verificare la nivel naţional a chentrilor sociale rezidenţiale. În ultimile dzâle, fură verificate mai multe ahtări cămine. Di aestea, cama di 20 fură închlise, majoritatea în Bucureşti. Totunăoară, fu suspendată activitatea a aproapea 30 di chentre şi fură date amendză/ pidepse di păradz în valoare di aproapea 10 milioane di lei (circa 2 milioane di euro). Fură scrise mai multe dosare penale, di care ună parte vizeadză infracţiuni contra persoanălei şi di natură economică. Tru tot aţeluși chiro, fură reţinuţ şi doi inspectori a li Aghenţie Judeţeană tră Plăţ şi Inspecţie Socială Ilfov, di aformia că si nu aibă evaluată corespunzător situaţia dintr-un chentru di îngrijire a persoanilor cu dizabilităţ. Premierulu Marcel Ciolacu are căftată a societatilei civile să propună nale nume tră vinitoarea conduţire a Autoritatilei Naţională tră Persoanile cu Dizabilităţ, di aformia că lughursescu/ consideră că ONG-urile suntua ţeale mai în misură să prezintă persoane competente tru aestu domeniu. Tru arada lui, partidulu di opoziție Uniunea Salvaț România caaftă organizarea a unei sesiune parlamentare extraordinară, tră ună analiză a situaţilei din chentrile sociale.
Autor: Leyla Cheamil
Armânipsire: Hristu Steriu
