“Omulu a anului 2023 la Radio România Internaţional”
Vruţ oaspiţ, Radio România Internaţional u duţe năinte tradiţionala a lui anchetã di opinie printră ascultãtori şi utilizatorili di Internet şi reţeale
Eugen Cojocariu, 15.11.2023, 20:11
Vruţ oaspiţ, Radio România Internaţional u duţe năinte tradiţionala a lui anchetã di opinie printră ascultãtori şi utilizatoril’i di Internet şi reţeale sociale şi vă provoacă/ vă greaşte la un nou exerciţiu, şi anulu aestua 2023, complicat şi greu pentru noi toţ.
Fu un an greu/ dificil din cauza a li continuare a polimului declanşat di Rusia în Ucraina, di aform’ia a preţurilor la energhie, a crizălei alimentară din unile părţă a lumilei, ama şi din cauza îngăldzarilei globală ţi are faptă/ făcută să parcurdzem anulu poate ţel mai caldu din istorie. Tutulor a luştor factori di stres mondial lă si-are adăvgată conflictul dintră Israel şi Hamas, în Fâşia Gaza.
Vă căftăm să decideţ/ să aleadziţ care di personalităţâle prezentului şi-au bâgată amprenta/ mâna ţel mai multu, în sens pozitiv, asupra a lumilei anulu aestua. Nă pregătim/ nă faţim etim’i sã-l desemnăm, pi baza a opţiun’ilor a voastre scrise, pi “Omulu a anului 2023 la Radio România Internaţional”. Care poate să hibă aestua sau aeasta şi, mai aleptu, căţe? Să hibă ună personalitate cunoscută sau vără necunoscut a marilui public, ama cu ună istorimă exemplară? Rãspunsul vã aparţâne, ca di totâna şi di aradă!
Aştiptãm propunerile a voastre, pricum şi motivarea a lor, cât mai rapid, directu pi site, la www.rri.ro, pitricânda un comentariu la articol, prin e-mail la arom@rri.ro, pi profilul a nostru di Facebook sum formă di comentariu, pe Instagram, pi WhatsApp la 0040.744.312.650 (textu sau audio), prin faxu la 0040.21.319.05.62.
Va să anunţăma care easte “Omulu a anului 2023 la Radio România InternaţionaI” în emisiun’ile a noastre, ca şi în mediul online, luni, 1 ianuariu 2024.
Autor : Eugen Cojocariu
Armânipsire : Hristu Steriu
