Mărli linii a bugetlui 2022
Proiectul a bugetlui di stat tră 2022 ari şanse s’agiungă tru Parlament şi s’hibă votat ntrăoară ninti di Cărciun. El fu pitricutu, duminică, tru debatu public şi ari ca obiective protejarea a categoriilor vulnearabile, ñicurarea-a evaziunillei fiscale şi criştearea-a fondurilor tră investiţii până la şapte procente ditu PIB. Simfunu cu documentulu, România va s’aibă anlu ţi yini venituri di 216 miliarde di lei (43,8 miliarde euro) și va s’hărgiuească 301 miliarde lei (61,4 miliarde euro).
Mihai Pelin, 20.12.2021, 21:11
Proiectul a bugetlui di stat tră 2022 ari şanse s’agiungă tru Parlament şi s’hibă votat ntrăoară ninti di Cărciun. El fu pitricutu, duminică, tru debatu public şi ari ca obiective protejarea a categoriilor vulnearabile, ñicurarea-a evaziunillei fiscale şi criştearea-a fondurilor tră investiţii până la şapte procente ditu PIB. Simfunu cu documentulu, România va s’aibă anlu ţi yini venituri di 216 miliarde di lei (43,8 miliarde euro) și va s’hărgiuească 301 miliarde lei (61,4 miliarde euro).
Ministerlu di Finanţe s’aşteaptă la ună creaştire economică niacumtinată şi anlu yinitor şi ari nădie s’hibă tu mărdziñili a ţintăllei di deficit akicăsită cu Comisia Europeană.
La capitolu “Ahărdzeri bugetari”, Ministerlu Transporurlor va llia anlu yinitor fonduri cu 20% ma mari andicra di anlu aestu. Şi Ministerlu a Investiţiilor şi proiectilor Europene va s’aibă un buget cama mari, idyea cumu Apărarea, Educaţia şi Cultura, cari au şi eali mulță păradz. Va s’aibă fonduri suplimentari și Administrația Prezidențială, Senatul, Camera a Deputațlor și Secretariatlu General a Guvernului, ama și serviţiile secrete. Anamisa di instituţiile cari llia păradz ma puţăni suntu Ministerili a Finanţilor, Dezvoltarillei, Energiei, Antreprenoriatlui şi Turismului şi Ministerlu Public. Sănătatea va s’aibă aproapea idyiulu buget ca şi anlu aestu.
Simfunu cu datili publicate di Ministerlu a Finanţilor, proiectul di buget easti cruitu pi ună creaştire economică di 4,6% şi un deficit bugetar di 5,8 % ditu produslu internu brut, estimat anlu yinitor la aproximativ 1.300 di miliarde di lei (265 miliarde euro). Tru idyiulu kiro, inflaţia medie easti prognozată la 6,5%. Potrivit strategiei bugetari, estimările tră yinitorii trei ani spunu ună kipită di creastire economică tru 2023 di 5,3% şi un ritmo mediu anual di 4,9% tu tutu orizontul 2023-2025. Aestu easti ma mari comparativ cu aţea estimată s’hibă nregistrată la nivelul ali UE şi a Zonăllei Euro, di 4,3%, tru condiţiile tru cari goada economică provocat di pandemie easti ună di nai cama semnificative ditu istoria recentă. România spuni, ama, particularitatea ua nei turnari tu ori relativ rapidă a PIB-ului la nivelul pre-pandemic.
Tru document nica să spuni că momentul cama acut a crizăllei fu năstricutu pritu misuri fiscale şi monetari cari deadiră silă a huzmetillei economică. Evoluţiile economiţi suntu ama dependente di evoluţia campaniillei di vaccinari, manifestarea a născăntoru dăldză yinitoari pandemice, de particularităţile a structurăllei economiei şi di influenţili externe determinate de gradul de integrari tru şingirili di valoari adăvgată şi de producţie europene şi mondiale.
Tutunăoară, ună influenţă va aibă şi misurile adoptate di autorităţi tru contextul a dezechilibrelor gemene manifesti (di cont curent şi fiscal) – misurli di andrupari va s’hibă trapti preayalea ayalea cu scupolu ti agiundzeari obiectivlu pripusu di deficit bugetar di 3% la orizontul a anlui 2024.
Autor: Mihai Pelin
Armânipsearia: Taşcu Lala
