România la Agiocurli Olimpiţi: Gimnasta Sandra Izbaşa
România eara tru topurli a ghimnasticăllei mondială kiro di dekenii. Numili a multipliloru campioani olimpiţi Nadia Comăneci, Ecaterina Szabo, Daniela Silivaș, Simona Amânar ică Cătălina Ponor eara, añi arada, tu protili frăndză ali actualitati sportivă iuţido pi mapamondulu.
Tașcu Lala, 19.04.2024, 12:21
România la Agiocurli Olimpiţi: Gimnasta Sandra Izbaşa
România eara tru topurli a ghimnasticăllei mondială kiro di dekenii. Numili a multipliloru campioani olimpiţi Nadia Comăneci, Ecaterina Szabo, Daniela Silivaș, Simona Amânar ică Cătălina Ponor eara, añi arada, tu protili frăndză ali actualitati sportivă iuţido pi mapamondulu.
România la JO: Gimnasta Sandra Izbaşa
logo-main-gdpr
România eara tru topurli a ghimnasticăllei mondială kiro di dekenii. Numili a multipliloru campioani olimpiţi Nadia Comăneci, Ecaterina Szabo, Daniela Silivaș, Simona Amânar ică Cătălina Ponor eara, añi arada, tu protili frăndză ali actualitati sportivă iuţido pi mapamondulu.
Tru añilli ditu soni ama, ghimnastica românească nu mata avu rezultati. Ratarea-a calificarillei pareiilor ali Românie la Agiocurli Olimpiţi di Tokio, emu la masculin, emu la feminin, easti spunearea pănu di marzină ti arkişurarea valorică catastrofală a ghimnasticăllei românească.
Ediţia ditu soni a Agiocurloru Olimpiţi la cari avu rezultati anămusiti tru concursulu di ghimnastică fu aţea di Londra, ditu 2012. Pareia feminină alină loclu 3 pi națiuni, iarapoi Cătălina Ponor amintă medalia di asimi la sol. Nai ma bunlu rezultatu fu loclu I amintatu di Sandra Izbașa la ansăreri, rezultat cari adusi aţea ditu soni medalie olimpică di malămă ti ghimnastica românească.
Sandra Izbaşa s-amintă la 18 cirişaru 1990, Bucureşti. Ahurhi cu ghimnastica di anda eara pi ilikia di 4 añi. La 12 di añi eara tu pareia naţională di giunioare. Doi añi ma amănatu, la Europeani, amintă asimea la giunioare, tru prova di sol. Prota a llei mari performanţă la senioare u avu tru 2006, la Internaţionalile di ghimnastică ali Românie, iu amintă la individualu compus, la sol şi ansăreri.
Tut tru 2006, la Europeanele di Volos, amintă ună medalie di malămă la sol, ună di asimi cu pareia şi ună di brondzu la bârnă. Amintă deapoa ma multi medalii tu antriţerli continentali și mondiali. Performanțili ali Sandra agiumsiră tu kipită tu 2008, la Agiocurli Olimpiţi di Beijing, cu medalia di malămă amintată la sol.
Deapoa avu doi ani ama nu cu buni rezultati. Tru 2011 ama, la Europeanili di Berlin, Izbașa agiumsi prota emu la sol, emu la ansăreri. S-turnă cu dauă medalii di malămă și di la Europeanili ditu 2012, di Bruxelles – ună amintată la ansăreri, iarapoi alantă cu pareia. Hăirlătica ditu idyiulu anu, di la Agiocurli Olimpiţi di Londra, fu aţelu ditu soni rezultatu cama mari ditu cariera sportivă ali Sandra Izbașa.
Autoru Florin Orban
Armănipsearea: Taşcu Lala
