Apofasea ti anulari a rezultatilor a alidzeriloru lipseaști s-hibâ loatâ di nai ma marli organ electoralu, iara putearea ți u ari Curtea Constituționalâ (CCR) ta s-adarâ ahtari lucru, lipseaști s-hibâ bâgatâ tu practico mași tu catastisi dip ahoryea, scoati tu migdani, Comisia di Veneția tu unu raportu mutrindalui anularea a alidzeriloru prezidențiali ditu Românie.
Prezidentul di ma ninti al PNL, Crin Antonescu, fu vulusit ti candidat ali coaliție ți easti tora la puteari PSD-PNL-UDMR ti alidzerli prezidențiali ditu yinitoru
Româñlli daima bãnarã tu locãri arãdãpsiti arhotaru, anvãrliga a Munțãloru Carpaț. Aesta alãsã toru ti adunarea stogu a bãnaticlui, neise armãnearea tu banã și feaţi unia statală unã nãdie niacumtinatã.
Țeremonii militari și relighioasi, spectacoli și expoziții s-facu adzâ tu tuț mărlli câsâbadz ali Românie, ți yiurtusescu Fâțearea Unâ a Prințipatilor Români. Tu bâserițlli ortodoxi s-feațirâ dyeavasi, iara câmbăñilli bâturâ ti unu minutu. Aoa ș-166 di añi, tu 24 di yinaru 1859, Alexandru Ioan Cuza fu aleptu cumândaru a Valahillei, dupâ ți fu aleptu cumândaru ali Moldovâ tu 5 di yinaru.
Huzmikearlli a Senatlui ali Românie și reprezentanțãlli a lor sindicali cutugursescu planurli dimãndati ñiercuri di prezidentulu a Senatlui, Ilie Bolojan, ta s’ncllidã 180 di ipotisi di lucru ditu aproapea 800 și ta s’ñicureadzã parculu auto și cumata di naftã/ cota di combustibilu cu 20 tru sutã. Prezidentulu american Donald Trump spusi că nãi sancțiuni contra ali Rusie suntu „di cãbuli”/„posibile” ma s’hibã di Mosscova nu nkiseaşti pãzãrãpserli ta s’bitiseascã cu polimlu ditu Ucraina, dimãndã Aghenţia France Prece (AFP).
Protlu turu a alidzeriloru prezidenţiali va s-facâ tu 4 di maiu, iara doilu turu tu 18 di maiu – apufâsi, gioi, Chivernisea di coaliție PSD-PNL-UDMR di București.
Ripublicanlu Donald Trump, 47-lu prezidentu a Statilor Uniti ali Americâ, s-turnă la Casa Albâ ti doilu mandat.
Ași s-feaţi ca 2024 s’hibă un an electoral tru lumea tută. Aşi să stihisi, că ma s’eara zborlu ti vără mindueari mistico internațională dialihea nu vrea s’aprăftăsească. S’lugurseaşti că ma multu di gimitati ditu populația lumillei eara grită la vot, vără turlie ică altă turlie.
Banca Naţionalâ ali Românie țâni rata a toclui di politicâ monetarâ la scara di 6,5% tu an.
Tru 15 di yinaru, Dzuua Culturãllei Naţionalã easti yiurtusitã tru tuti comunităţli bănati di români, năuntrulu ică nafoara a sinurloru vãsiliillei.
Proiectul di bugetu pi 2025 va s-tiñiseascâ mardzina di ixichi di 7% ditu PIB, fârâ năi crișteri di taxi, dzâți ministrlu a Finanților, Tánczos Barna.
Sistemlu ʺe-SIGURʺ di radari fixi lucreadzâ pi geadeili ditu Românie.
România ari cabaia rezervi di gazi naturali ta s-treacâ iarna, dzâsi ministrul ali Energhie, Sebastian Burduja.
Liderllii a suţatãllei di guvernămintu di București s-adunară ñiercuri ti prota a loru andamasi di estanu. Aeșţă apufusiră că protlu tur a alidzerloru prezidențiali să s’ţănă tru 4 di mai și doilu tru 18 di mai. Coaliția lu aleapsi și aţelu di ma ninti lider PNL, Crin Antonescu, ti harea di candidat comun a lor ti antriţearea prezidențială. Elli apufusiră, tutunăoară, ca bugetlu ti 2025 s’hibă părăstisitu ninti di 27 di yinaru, aţea turlie tra s’poată s’aibă izinea a Parlamentului tru prota stămănă a meslui şcurtu.
Româñilli va s’poată s’urdină tru SUA fără viză ahurhinda cu meslu marţu, dimăndă ministurlu ti Afaceri Externi, Emil Hurezeanu.
