Economie – Economia ali Românie criscu cu 1,8% anul trecut, cu 0,8% ma pțnu andicra di cãtu eara isapea di ma ninti, spuni un raportu a Băncãllei Mondialã. Raportul u feaţi isapea tru scădiare și isãkili mutrinda imnaticlu ali economie româneascã tru 2024 și 2025, cându ritmmolu di creastire a Produslui Internu Brut poati s’hibã 3,3%, respectiv 3,8%. Uidisitu cu Bănca Mondialã, economia mondială va s’ayãliseascã ti treilu anu arada, până la 2,4%.
Parteneriatu — Premierlu ali Românie, Marcel Ciolacu, ãlli pitricu hiratimati al Gabriel Attal trã alidzearea a lui tu ipotisea di prim-ministru ali Franțã. Premierlu român spusi cã easti etimu s’lucreadzã deadunu cu nãulu omologu a lui trã anvãrtuşearea a parteneriatlui strategic româno-francez. Attal, fostu ministru ali Educației, fu numãsitu di prezidentulu Emmanuel Macron s-adarã nãulu guvernu ali Franțã, după ţi fostul premier Elisabeth Borne ş-deadi demisia. La 34 di añi, Gabriel Attal, cu studii tru științi politiţi, agiundzi s’hibã nai tinirlu premieru ditu istoria ali Franțã, uidisitu cu spusa a corespondentului Radio România la Paris.
Călătorii gratuiti – Aproapea 2.000 di tiniri româñi tru ilikia di 18 di añi va s’aibã un permis di călătorie gratuitu/ fãrã pãlteari ta s’alagã cãnoascã diversitatea ali Europã, tru cadrul a inițiativãllei DiscoverEU, un program finanțat di Earasmus+. Aeșţã va s’urdinã prota ş-prota cu trenlu anamisa di marţu 2024 și mai 2025, trã s’nveaţã nãi lucri ti istoria și clirunumia culturală ali Europã și tra s’cãnoascã oamiñi di pisti tut continentul. Până tora, cama di 11.600 di tiniri români avurã hãiri di un ahtari permis di călătorie.
Polo pi apă — Naționala masculină di polo pi apă ali Românie amintã Grupa D a Campionatlui Europeanu ditu Croația, după ţi azvimsi, marțã dicsearã, tu Dubrovnik, cu scorlu di 8-7, pareia ali Slovacie. Tu partidili di ma ninti, româñilli azvimsirã pareili ali Olanda și Slovenia. Elli va s’agioacã gioi un meci di play-off ti calificarea tu cirecurli di finală contra a pareiillei ţi easti tu sonea-a Grupa B, Georgia, tu Zagreb. La Campionatlu Europeanu feminin, organizatu tru Olanda tu idyiulu kiro cu aţelu masculinu, România s-clasã pi loclu 14 ditu 16 di echipi ti loarã parti.
Autoru: Udãlu a Hãbãrloru
Armânipsearea: Taşcu Lala